وہابی کون ہیں اور وہابیوں سے تعلق رکھنا کیسا ہے؟

        کیافرماتے ہیں علماء دین واقف شرع متین اس بارے میں کہ دورحاضر میں تبلغی جماعت کے نام پر کچھ لوگ بستر وغیرہ باندھ کر اوربڑے مولویوں کی شکل میں سفرکرتے ہیں اور مسجد میں سب بسیراکرتے ہیں ۔اور قرآن و حدیث کے نام پر وعظ کرتے ہیں دریافت امریہ ہے کہ یہ تبلیغی الجماعت کے لوگ کس عقیدہ کے اور کس مسلک کے ہیں اور اس جماعت کا نصب العین کیا ہے۔ اوران کی تعلیمات اورطریقہ تبلیغ کیاہے۔ اور اہلسنت والجماعت کو اس میں شرکت کرنا چاہئے یا نہیں۔ مدلل فتاوٰی عنایت فرما دیں ۔ ہمارے یہاں کے پیش امام سید احمد علی رضوی کہتے ہیں کہ تبلیغی جماعت اصل میں وہابیوں کی جماعت ہے اس میں شرکت کرناانتہائی خطرناک ہے۔ ان سے دور نفور رہنااور انکو اپنوں سے دور رکھنا مسلمانوں پرلازم ہے ۔ اس جماعت کے اقوال و افعال سے اور کتابوں سے ثابت ہیکہ یہ لوگ اللہ جل جلالہ او راس کے پیارے حبیب صلی اللہ تعالیٰ علیہ و سلم کی تعلیمات پھیلانے کیلئے نہیں بلکہ ان کے حکیم الامت مولٰنا اشرف علی تھانوی کی تعلیم او رمولوی الیا س کا طریقہ تبلیغ پیش کرنے کیلئے آتے ہیں ۔ دین و ایمان سے انکو کوئی واسطہ نہیں ہے۔ لہذاپیش امام صاحب کاقو ل صحیح ہے یانہیں۔

        گذارش ہے کہ یہاں پر ایک سو پچھتر گھرکے مسلمان اور سنّی صحیح العقیدہ ہیں اور اہل سنّت و الجماعت کے مقدس امام۔ امام احمد رضا رضی اللہ عنہ کاتر جمہ وتفسیر نعیمی پڑھتے ہیں اور پڑھایاجاتا ہے ۔و لیکن چند اشرار آس پا س کے ہیں جو تبلیغی جماعت کو صحیح العقید جما عت کہتے ہیں ۔ گذارش ہیکہ سنی صحیح العقیدہ مسلمان کون ہیں اوروہابی کون ہے۔ اوروہابی جماعت کب سے چلی ہے اور اس کا عقیدہ کیاہے ۔ برائے کرم مہربانی فرما کرسنّی مسلمانوں کی رہنمائی فرمائینگے۔  فتاوٰی مبارکہ کا سخت ا نتظارہے بینوا و تو جروا